ပခုက္ကူမြို့ ကထူးဆန်းမှုတွေရှိတယ်....
မြန်မာဗျည်းအက္ခရာတွေမှာ....က....ကစတယ်နော်....
စတဲ့အက္ခရာတွေကိုနှစ်လုံးဆင့်ထားတဲ့မြို့ ..........
ဆင့်တဲ့ထပ်တဲ့နေရာမှာထူးခြားတယ်.........
ရွှေကူဘုရားထဲမှာ.....ပန်းရှစ်ထပ်နဲ့ထုလုပ်ထားတဲ့.....တံကဲအကြောင်းကိုပြောချင်လို့....
ဟိုတုန်းကတော့ကမ္ဘာ့အံ့ချီးဘွယ်ထဲမှာဒုတိယလိုက်တယ်လို့.....ငယ်ငယ်ကမှတ်သားဘူးတယ်....
ပါးစပ်စကားပါ....ပထမကဘယ်မှာ....ဘယ်ကအသိအမှတ်ပြုတယ်ဆိုတာမသိပါဘူး......
အဲဒီမှာပခုက္ကူ.....ဖြစ်လာတဲ့သမိုင်းကို....ပြောပြဦးမယ်.....
ပါးစပ်ရာဇ၀င်ပေါ့ဗျာ.....နဲနဲတော့စိတ်ဝင်စားစရာကောင်းပါလိမ့်မယ်......
အလောင်းစည်သူမင်းကြီး (သက္ကရာဇ် ၄၅၄ ) က....လက်ညိုးညွှန်ရာရေဖြစ်တယ်ဆိုပဲ......
သူက...ဖောင်စင်္ကြာနဲ့လှည့်လည်တဲ့အချိန်မှာ.....
အခု......ပခုက္ကူဖြစ်လာမဲ့နေရာလေးက.... မြစ်ကိုင်းလို့ခေါ်တဲ့....တံငါရွာလေးပဲရှိသေးတာကိုး.....
အဲဒီနေရာမှာ....မင်းကြီးကအရေးပေးထားတဲ့......ကိုယ်လုပ်မောင်းမတစ်ယောက်က...
အခုမြစ်ကိုင်းအရောက်....တံငါသည်ကိုမြင်လျှင်ဣနြေ္ဒမဲ့စွာရယ်သွမ်းသည်ကို မင်ကြီးမြင်လျှင်....
အမျက်ထွက်ပြီးသူမကို ကြိမ်ဒဏ်ပေးရာ လက်လွန်သဖြင့် သေဆုံးသွားသည်.....
အဲဒီမှာထုံးစံတစ်ခုက...ကိုယ်ဝန်နဲ့မိန်းမကိုမြေမြုတ်မယ်ဆိုရင်...
အထဲကသားကိုသက်သက်မြေမြုတ်ရတာကိုး.....အဲဒီမှာတင်စတယ်....
သားထုတ်ပြီးဂူတည်တဲ့အရပ်မို့.....သားထုတ်ဂူ....အဲဒီကနေ....ကာလရွှေ့လျှောလာပြီး.....
ပခုက္ကူဆိုပြီးဖြစ်လာတယ်ပေါ့...... အဲဒီဂူတည်တဲ့နေရာမှာ.....ရွှေကူဘုရားဆိုတာ...ရှိတယ်....
အခုရေးမဲ့တံကဲက....အဲဒီရွှေကူဘုရားထဲမှာရှိတာ.......
တံကဲ=ပုလ္လင်နောက်မှိ
၁၂၆၉ (1908 ) တပေါင်းလပြည့်ကျော် ၃ ရက်နေ့တွင်ပြီးစီး
လက်ခငွေ ၄၀၀၀ိ/-( ထိုအချိန်ရွှေတစ်ကျပ်သား ၁၅ိ/- )...ရွှေ ၃ပိဿာနီးပါး
ထုလုပ်သူ..ဆြာကံကြီး ၊ သားမောင်တေ......
ထုလုပ်သည့်အချိန် ၄ နှစ်ကျော်ကြာသည် ....
ဥာဏ်တော်အမြင့် ၅ပေ ၂လက္မ ရှိမက်ရပ်ကိုယ်တော် ရှိပြီး
တံကဲအမြင့်၁၂ ပေ ၁၀လက္မ အလျှား ၅ပေ ၁၀လက္မ ရှိ ယမနေသားနှင့်ထုလုပ်ထား....
သစ်သားတုန်းကြီးငါးတုန်း ကိုပေါင်းစပ်ပြီး သစ်သားအထူ ၆ လက္မ တွင် ပန်းရှစ်ထပ် ထုလုပ်
ဇာတ်ထုပ်လေးထုပ် (ဒေ၀ါရောဟဏဇာက် ၊ နေမိဇာတ် ၊ သာမိနဇာတ် ၊ ဗိမ္မသာရဇာတ် )
ဇာက်ခန်း၁၂ ခန်း ကိုတစ်ဆက်တစ်စပ်ထည်းထွင်းထုပုံဖေါ်ထား
ဒေ၀ါရောဟဏဇာတ်တွင်....မြတ်စွာဘုရားသည်ခုနှစ်ဝါအရတွင် နတ်ပြည်တွင်ဝါဆိုတော်မှုပြီး
လူ့ပြည်သို့ပြန်ကြွလာပုံကိုထုလုပ်ထားသည်...အလယ်တွင်မြစောင်းတန်း ၊ ယာဘက်တွင်ရွှေစောင်းတန်း
ဝဲဘက်တွင်ငွေစောင်းတန်း ဖြင့်ကြွမြန်းလာပုံကိုအသက်ဝင်အောင်ထုလုပ်ထား....
ရုပ်တုပေါင်း၂၀ ၊ လူရုပ်၁၃၆ ရုပ် ၊ ငှက်တိရစ္ဆာန် ၁၈ ရုပ်ပါဝင်......
မြန်မာနိုင်ငံတွင်...တစ်ခုတည်းသော....နှစ်တစ်ရာကျော်မှ....လက်ရာကောင်းလက်ရာမွန်ဖြစ်ပါသည် ။
Inscription à :
Publier les commentaires (Atom)
Aucun commentaire:
Enregistrer un commentaire